AALAM-E-BARZAKH KA BAYAANAALME-BARZAKH KA BAYAN

Dunia aur akhirat ke bich ek aur dunia hai jisko 'BARZAKH' kehte hai !marne ke baad aur qayamat se pehle tamam insano aur jinno ko apne apne martabe ke lihaz se barzakh mei rehna hota hai aur yeh alam is dunia se bahut bada hai,dunia barzakh ke muqabil aysi hai jese 'maa' ke pait mei baccha barzakh mei koi araamse hai koi taklif se har ek ke liye 'MAUT' ka din aur waqt mukarrar hai jiskijitni zindagi hai uss mein kami beshi nahi ho sakti jab zindagi ke din pure hojate hain tab hazrat izraeel alayhissalam rooh kabz karne ke liye aate hain uss waqtuss admi ko uske daen baen har taraf aur jahan tak nazar jati hai farishte dikhaidete hain musalman ke aas pass rehmat ke farishte aur kafir ke daen baen AZAAB kefarishte hote hain uss waqt har ek par ISLAM ki 'HAQQANIYAT' suraj se zyada roshanho jaati hai us waqt agar koi kafir imaan lana chahe toh uska imaan qabul nahi kiyajaega qk woh islam ki haqqaniat dekh kar imaan lana chahta hai aur huqm 'imaan bil gaib'ka hai yani bina dekhe imaan lana, ab gaib yani bina dekhe na raha lihaza imaan qabul nahi !!!Marne ke baad bhi rooh ka rishta insan ke badan ke sath baki rehta hai rooh agarchebadan se alag ho gayi magar badan par jo bitegi rooh ko pata hoga aur rooh kouska asar zarur padega, jesa ki dunia mein jab badan ka asar rooh par hota haiwesa hi asar ya uss se bhi zyada asar marne ke baad hota hai !! insan jab apni dunia ki zindagi mein aram dene wali chiz jese thanda pani narm bistarya aram dene wali sawarian istmal karta hai to in chizo ka asar jism par hota hai magararam aur rahat rooh ko milti hai ayse hi jab insan garm pani ya garm hawa aur sakht taklifwali sawarian istmal karta hai to iska asar badan ko hota hai lekin taklif rooh ko hoti hai marne ke baad musalman ki roohen apne apne darzon ke mutabiq alag alag jag'hon mein rehti hain!!kuch ki kabr par kuch ki chah-e-zamzam sharif mei kuch ki asman aur zamin ke bich kuch kipehle asmna se satwe asman par kuch ki asmano se bhi upar kuch ki arsh ke niche qandilon meinaur kuch roohen aala illin mein rehti hain !magar ye roohen jahan kahin bhi rahe unka rashta apne jism se barabar qayam rehta hai jo loginki kabr par jate hain unko ye roohen janti pehchanti aur unki baten bhi sunti hain rooh kedekhne ke liye yeh zaruri nahi ki woh apne kabr se hi dekhti hain, balke hadis mein rooh ki misalis tarah hai k ek chidia apne pinjre mein band thi aur ab use chhod diya gaya aur hadis sharifmein yeh bhi hai ki ''jab musalman marta hai toh uska rasta khol diya jata hai k jahan chahejaae''aur imaamo ne yeh bhi likha hai k..beshaq pak jaane badan se alag hoti hain to 'alme bala' se mil jati hain aur sab kuch aisa dekhti sunti hai jese yahi maujud hain'hazrat shah abdul aziz mohaddis dehlvi likhte hain.. ''rooh ke liye door aur kareeb hona barabar hai''matlab yeh ki momin ki roohen bilkul azad hai , wo jab chahe jahan chahe pahonch jaen unhe qaidmein nahi rakha gaya hai !KAFIRO ki khabis rahon ka yeh haal hai k kuch ki marghat ya kabro par rehti hain kuch ki'chahe marhub' mein(yaman ka ek naala) kuch ki roohen pehle dusri ya satwin zamin mei aur kuch ki roohen us se bhi niche 'sizzin' mei rehti hain ,woh bhi jahan kahin ho unki kabr ya marghat par jane walon ko janti pehchanti aur baat sunti haiunhe kahin aane jaane ka ikhtiyar nahi qk woh qaid mein hai !! aqida-: yeh aqida rakhna k rooh kisi dusre aadmi ya janwar ke jism meichali jati hai yeh batil aur kufri aqida hai ! is aqide ko 'tanasukh' aur 'awagawan' ya punarjanm kehte hain yeh sab kufria aqide hainAQIDA-: maut ka matlab yeh hai k rooh jism se alag ho jaye, iska matlab yeh hargiz nahi k rooh ko maut aa jati hai ya rooh fana ho jati hai, agar koi rooh ke liye fana hona mane toh wo bad mazhab hai !!AQIDA-: murde kalam bhi karte hain lekin unki baaton ko aam insan ya jinn nahi sun sakte lekintamam qism ke janwar wagaira sun sakte hain !jab murde ko kAbar mein dafan karrte hain us waqt kabr murde ko dabati hai agAr wohmusalamn hai toh kabar is tarah dabati hai jis tarah ek maa apne bacche ko pyar se 'chipta'leti hai, aur agar woh kafir hai toh is zor se dabati hai ki idhar ki pasli udhar ho jaati hai dafn karne wale jab dafn kar ke chale jate hain toh murde unki qadmo ki awaz sunte hain us waqtuske pass do farishte apne ''daaton' se zamin chirte huye aate hain unki shaqlen nihayat darawani aur haibatnak hoti hai badan kaala , ankh daigH ki tarah badi aurkaali aur nili unke sar se panv tak darawane baal hote hain, unke 'daant; kaee hath lambe hote hainjinse woh zamin chirte huye aaenge yeh dono farishte 'munkar' 'nakir' hain !yeh dono farishte murde ko 'jhinjhor' kar 'jhidak' kar uthate hain aur bahut sakhti ke sathsakht awaz mein murde se sawal karte hain ! tera 'RAB' kon hai? tera 'din' kya hai? (dunia mein) inke bare mei kya kehta tha?murda musalman hoga toh sab thik thik jawab de dega, jawab sun kar farishte puchenge ki yeh sab chizen tujhe kisne batayi to murda kahega KI..maine ALLAH ki kitab parhi aur kitab ko saccha samjh kar imaan laya ( kuch riwayaton mei hai k farishte kahenge k HAME TOH PATA THA TU YAHI KAHEGA)us waqt ek awaz aaegi MERE BANDE NE SACH KAHA, ISKE LIYE JANNAT KA BICHHONA BICHHAO AUR JANNAT KA LIBAS PEHNAOAUR ISKE LIYE JANNAT KI TARAF EK DARWAZA KHOL DO ! jannat ki hawa aur khushbu uske paas aati rahegiaur jahan tak nazar jaegi whan tak uski kabarphaila di jaegi aur us se kaha jaega k tu is tarah souja jis tarah ek dulha sota hai yeh KHASlogo ke liye hai agr ALLAH pak chahe toh aam momino ke liye bhi isi tarah ka aram mil sakta haihaan qabr ka phailao martabe aur darze ke lihaz se alag alag hai, kisi ki kabr 70 hath phaila dijati hai aur kisi ki jahan tak nazar jae wahan takmusalman murda par unke gunah layak azab bhi hoga, phir woh ALLAH ki rehmat aur bade bade pirya mazhabe islam ke imaamo ki waliullah ki duwa-o-shafat se azab se nijat bhi paa jaega agar ALLAH chahekuch buzurgan-e-din ka kehna hai ki gunahgar momin ka azab-e-kabr jume ki raat tak hai,us ke baad azab utha liya jaega, yeh hadis se sabit hai ki juma ke din ya raat aurramzan sharif mei marne walon se sawalat-e-kabr ya azab nahi hogamomin murde ke liye jannat ki khidki is tarah khulegi k pehle uske baen hath ki taraf sejahannam ki khidki kholi jaegi,jis se garm hawa, aag ki lapten. aur teaz badbu aaegi,phir foran band kar di jaegi,phir jannat ki khidki khulegi aur us se kaha jaega, agar tusahi sahi jawab na deta to tere waste bhi wohi khidki thi lekin ab yeh hai, yeh is liye qkmurda apne rab qabr kare k us ne kis bala se nijat di aur kis nemat se nawaza haimunafiq k liye iska ulta haipehle jannat ki khidki khulegi aur phir jahannam ki khidki taki munafiq uski khushbu auraaram aur nemat ki jhalak dekh le aur phir woh khidki foran band kar di jaegi aur dozakh kikhidki khol di jaegi taki us par badi bala bhi ho aur dil se imaan na laane ki hasrat bhi bakirahe k huzur sallallahu alayhi wasallam ko na maan kar ya unki shan mei gustakhi kar ke kesidaulat khoyi aur kesi aafat paee !!munafiq har sawal ke badle mein kahega k.AFSOS MUJHE TOH KUCH PATA HI NAHI THA, MAI LOGO KO JO KEHTE SUNTA THA WOHI KEHTA THA''uss waqt ek awaz aaegi k yeh jhoota hai , iske liye aag ka bichhona bichhao, aag ka libas pehnaoaur jahannam ki taraf ek darwaza khol do farishte khidki khol dengeus ki garmi aur lapat usko pahonchegi aur us par azab dene ke liye do farishte mukarrar hongejo andhe aur behre honge unke sath ek lohe ka aisa 'gurz' hoga ki agar use kisi pahad parmara jae toh pahad ke tukde tukde ho jae us gurz se wo farishte us munafiq ko marte rahengesaanp bicchu daste rahenge uske gunah 'kutte' bhediye' ki shaqal mei zahir ho kar usko taklifdete rahenge !! naik logo ke acche amal mehboob aur acchi surton mei aa kar unka dil behlaengeAQIDA-: kabr ka azab aur kabr ki nematen haq hai aur yeh dono chize rooh aur jism dono par hai,jesa ki upar bataya gayaagarche jism gal gaya, sarh gaya, ya khaq ho gaya ho magar uske asli tukde qayamat tak bakirahenge aur unhi par azab ya sawab hoga aur qayamat ke din inhi se jism ki banawat hogi yeh tukde 'ujbuzzamb' kehlate hain yeh itne 'barik' hote hain ki na kisi bhi khurdbin senazar aa sakte hain aur na hi aag inko jala sakti hai aur na hi zamin inko gala sakti haiyahi jism ke 'beej' hain , qayamat ke din roohen isi jism mei wapas lautengikisi dusre badan mein nahi, jism ke upari hisso se badhne ghatne se jis nahi badlta jese kibaccha paida hota hai to chhota hota haiphir bada aur hatta katta jawan hota hai,phir wohi kisi bimari mein dubla patla ho jata hai aur phr us par naya gosht post aata hai towoh phir se apni asli halat mein aa jata hai,in tabdiliyon se yeh nahi kaha jaega ki shaks badal gaya,ayse hi qayamat ke din ka lautna hai k jism ke gosht aur haddian jo khaaq ya rAakh ho gayihon aur uske zarre jahan kahin bhi phaile huye hon ALLAH TABARAK WA TAHALA apni QUDRAT se unhejama kar ke unko pehle halat par layega aur woh asli azza jo pehle se mahfuz hain unse JISM komuraqqab karega aur har rooh ko usi purane jism mein bhejega iska nam ''HASHR'' hai kabr ka azab aur sawab ka inkar karne wala gumraah hai !! AQIDA-: murda agar kabr mein dafan na kiya jaye to jahan pada rah gaya, phenk diya gaya yajala diya gaya garz kahin bhi ho usse wahin sawalat honge yahan tak ke use sher ya koi darindakha gaya to us murde se pait mein hi sawalat honge aur wo wahin par sawab ya azab paega !!EK ZARURI BAATALLAH ke woh khas bande jinke badan ko mitti nahi kha sakti woh log yeh hainAmbiya alayhissalamu,auliya-e-kiram aalim-e-din,hafiz-e-quran aur wo jo quran par amal karte hon aur wo jo ALLAH ke mehboob ho,Aur woh jism jisne ALLAH ki na farmani na ki ho,aur wo jo zyada se zyada darud sharif parhta ho,aur wo jo ALLAH aur uske pyare mehboob Sallallahu alayhi wasallam se mohabbat karte honinke jism salamat rehte hain agar koi kisi 'NABI' ki shan mein gustakhi kare aur yeh kahe ki 'mar gaye mitti mein mil gaye'to woh gumraah aur be din hai