◆ AQEEDA ◆

HUZUR SALLALLAHU ALAIHI WASALLAM KI KUCH KHUSUSIYAT

SALLALLAHU ALAIHI WASALLAM TAMAM MAKHLUQ, INSAAN, JINN, FARISHTEY HAIWANAAT, AUR JAMADAAT SAB KE LIYE BHEJE GAYE ! JIS TARAH INSAAN KE ZIMME HUZUR KI ITA'AT FARZ AUR ZARURI HAI ISI TARAH HAR MAKHLUQ PAR HUZUR KI FARMABARDARI FARZ AUR ZARURI HAI ! AQIDA-: HUZUR E AQDAS SALLALLAHU ALAIHI WASALLAM FARISHTEY, INSAAN, JINN, HOOR, GHILMAAN, HAIWANAT, NABATAAT, AUR JAMADAT GARZ TAMAM AALAM KE LIYE REHMAT HAIN AUR MUSALMANO PAR TO BAHOT HI MEHARBAN HAIN !AQIDA-: HUZUR KHATIMUN-NABIYYIN HAIN ! ALLAH TA'ALA NE HUZUR PAR NABUWWAT KA SILSILA KHATM KAR DIYA ! HUZUR K ZAMANE MEIN YA UNKE BAAD KOI NABI NAHI HO SAKTA ! JO KOI HUZUR KE HUZUR KE ZAMANE MEIN YA UNKE BAAD KISI KO NABUWWAT MILNA MAANE YA JAYZ SAMJHE WOH KAFIR HAI !!AQIDA-: ALLAH TA'ALA KI TAMAM MAKHLUQAT SE HUZUR SALLALLAHU ALAIHI WASALLAM AFZAL HAIN KI AURO KO JO ALAG ALAG MOJZAAT AATA KIYE GAYE HUZUR MEIN WOH SAB EKATTHA KAR DIYE GAYE AUR UNKE ALAWA HUZUR KO WOH KAMALAAT MILE JIN MEIN KISI KA HISSA NAHI BALKI AURO KO JO KUCH MILA HUZUR KE TUFAIL MEIN BALKI HUZUR KE MUBARAK HOTHON SE MILA AUR 'KAMAAL' IS LIYE KAMAL HUWA KI 'KAMAAL' HUZUR KI FIFAT HAI AUR HUZUR APNE RAB KE KARAM SE APNE NAFSE ZAAT MEIN KAAMIL AUR AKMAL HAIN ! HUZUR KA KAMAAL KISI WASF SE NAHI BALKI US WASF KA KAMAAL HAI KI 'KAAMIL' HUZUR KI SIFAT BAN KAR KHUD KAMAAL, KAAMIL, AUR MUKAMMAL HO GAYA KI JIS MEIN PAAYA JAYE USKO 'KAAMIL' BANA DEY !! AQIDA:- HUZUR SALLALLAHU ALAIHI WASALLAM JESA KISI KA HONA 'MUHAAL' HAI ! HUZUR KI KHAAS FIFATON MEIN AGAR KOI KISI KO HUZUR KA MISL BATAE WOH GUMRAAH YA KAFIR HAI !!AQIDA-: HUZUR SALLALLAHU ALAIHI WASALLAM KO ALLAH TA-ALA NE 'MAHBUBIYAT E QUBRA' KA MARTABA DIYA HAI ! YAHAN TAK KI TAMAAM MAKHLUQ ALLAH KI RAZA CHAHTI HAI AUR ALLAH TA-ALA HAZRAT MUHAMMAD MUSTAFA SALLALLAHU ALAIHI WASALLAM KI RAZA CHAHTA HAI ! AQIDA:- SALLALLAHU ALAIHI WASALLAM KI KHAAS BAATON MEIN SE EK KHAAS BAAT YEH BHI HAI KI UNHE MERAAJ HUYI ! SALLALLAHU ALAIHI WASALLAM APNE ZAHIRI JISM MUBARAK KE SATH MASJIDE HARAM SE MASJIDE AQSA, WAHAN SE SAATON (7) AASMANO, KURSI, AUR ARSH TAK BALKI ARSH SE BHI UPAR RAAT KE EK THODE SE HISSE MEIN TASHRIF LEY GAYE AUR UNHE WOH KHAAS QURBAT HASEEL HUYI JO KABHI BHI NA KISI BASHAR KO HUYI AUR NA KISI FARISHEY KO MILI AUR NA KISI KO AYSI QURBAT MIL SAKTI HAI !! SALLALLAHU ALAIHI WASALLAM NE ALLAH TA-ALA KA 'JAMAAL' APNE SAR KI ANKHON SE DEKHA AUR ALLAH KA KALAAM BINA KISI ZARIYE KE SUNA AUR ZAMIN WA AASMAN KE HAR ZARRE KO TAFSIL SE DEKHA ! PAHLE AUR BAAD KI SAARI MAKHLUQ HUZUR SALLALLAHU ALAIHI WASALLAM KI MOHTAAJ AUR NYAZMAND HAI, YAHAN TAK KI HAZRAT IBRAHIM KHALILULLAH ALAIHISSALAM BHI !AQIDA-: QAYAMAT KE DIN SHAFA'ATE QUBRA KA MARTBA HUZUR SALLALLAHU ALAIHI WASALLAM KE KHASAEES MEIN SE EK KHUSUSIYAT HAI KI JAB TAK HUZUR SHAFA'AT KA DARWAZA NAHI KHOLENGE KISI KO SHAFA'AT KARNE KI MAJAAL NA HOGI BALKI JITNE BHI SHAFA'AT KARNE WALE HONGE WO SAB HUZUR KE DARBAAR MEIN SHAFA'AT LAENGE AUR ALLAH KE DARBAR MEIN HUZUR HI 'SHAFI' (SHAFA'AT KARNE WALE) HAIN ! AUR HUZUR KI YEH "SHAFA'ATE QUBRA" MOMIN, KAFIR, FARMABARDAR AUR GUNAHGAR SAB KE LIYE HAI ! KYO KI WOH HISAB KITAB KA INTEZAAR JO BAHOT SAKHT HOGA AUR JIS KE LIYE LOG TAMANNA KARENGE KI KASH JAHANNAM MEIN PHENK DIYE JAATE AUR IS INTEZAR SE NAJAAT MIL JATI, IS BALA SE CHUTKARA KAFIRO KO HUZUR KI WAJAH SE HI MILEGA ! IS LIYE PAHLE KE AUR BAAD KE MUWAFIQ, MUKHALIF, MOMIN, KAFIR SAB LOG HUZUR KI HAMD KARENGE,! ISI KA NAAM "MAQAME MAHMOOD" HAI !! SAFA'AT KI AUR BHI QISME HAIN, JAISE YEH KI HUZUR SALLALLAHU ALAIHI WASALLAM BAHOT SE LOGO KO BILA HISAB KITAB JANNAT MEIN DAKHIL KARAENGE ! JIN MEIN CHAR ARAB NABBE KAROR (4,90,0000000) KI GINTI KA PATA HAI, BALKI AUR ZYADA HAIN JINHE ALLAH JANTA HAI AUR USKE PYARE HABEEB SALLALLAHU ALAIHI WASALLAM JANTE HAIN ! BAHOT SE WOH LOG HONGE JINKA HISAB HO CHUKA HAI AUR JAHANNAM KE LAYAQ HO CHUKE, UNKO HUZUR SALLALLAHU ALAIHI WASALLAM JAHANNAM SE BACHAENGE ! AUR AYSE LOG BHI HONGE JINKI SHAFA'AT KAR KE JAHANNAM SE NIKALENGE ! HUZUR SALLALLAHU ALAIHI WASALLAM KI SHAFA'AT SE KUCH LOGO KE DARJE BULAND KIYE JAENGE ! AUR AYSE BHI HONGE JINKA AZAAB HALKA KIYA JAEGA ! SHAFA'AT CHAHE HUZUR SALLALLAHU ALAIHI WASALLAM FARAMAEN YA KISI DUSRE KO SHAFA'AT KI IJAAZAT DEIN, HAR TARAH KI SHAFA'AT HUZUR SALLALLAHU ALAIHI WASALLAM KE LIYE SAABIT HAI ! HUZUR SALLALLAHU ALAIHI WASALLAM KI KISI QISM KI SHAFA'AT KA INKAR KARNA GUMRAAHI HAI !!AQIDA:- SHAFA'AT KA MANSAB HUZUR SALLALLAHU ALAIHI WASALLAM KO DIYA JA CHUKA ! HUZUR SALLALLAHU ALAIHI WASALLAM KHUD IRSHAD FARMATE HAIN: "MUJHE SHAFA'AT KA MANSAB DIYA JA CHUKA HAI" !!AUR ALLAH TA-ALA IRSHAD FARMATA HAI KI. "MAGHFIRAT CHAHO ( AE RASOOL) APNE KHASO'N KE GUNAHO AUR AAM MOMININ AUR MOMINAT KI"AE ALLAH HUM BHI TERE PYAR MAHBOOB SALLALLAHU ALAIHI WASALLAM KI SHAFA'AT KE MOHTAAJ HAIN, TU HUMARI DUWA SUN LEY !!TARJAMA-::: AE ALLAH HUMKO APNE HABEEBE MUKARRAM SALLALLAHU ALAIHI WASALLAM KI SHAFA'AT ATA FARMA JIS DIN NA MAAL KAM AAEGA NA BETE MAGAR WOH JO ALLAH KE PAAS HAZIR HUWA SALAMAT DIL LEKAR